Roedd Hiraeth Energy yn falch iawn o gyflwyno ein cynigion prosiect yng nghyfarfod Grŵp Seneddol yr Holl Blaid yr wythnos hon a gynhaliwyd gan Gynghrair Datblygwyr Môr Celtaidd ag Ynni Morol Cymru. Y prif siaradwr yn y cyfarfod oedd Simon Hart, Ysgrifennydd Gwladol Cymru ac AS Gorllewin Caerfyrddin a De Sir Benfro.
Mae Hiraeth Energy yn aelod rhagweithiol a chydweithredol o’r Gynghrair Datblygwyr Môr Celtaidd, ac roeddem yn hapus i ddarparu gwybodaeth i lawer o fynychwyr, gan gynnwys ASau, am ein dull arloesol o ddatblygu prosiectau a pherchnogaeth leol o’r ddau brosiect arfaethedig.
Ein nod yw cefnogi porthladdoedd Cymru a’r gadwyn gyflenwi ehangach wrth baratoi i fanteisio i’r eithaf ar y datblygiadau mawr sy’n ymddangos yn debygol o godi yn y Môr Celtaidd.
Roedd amseriad y cyfarfod yn arbennig o briodol, gan ddod mor fuan ar ôl y cyhoeddiad diweddar gan Ystâd y Goron ynghylch rownd brydlesu Môr Celtaidd.
Rydym yn edrych ymlaen at ymgysylltu ymhellach â gwleidyddion, y gadwyn gyflenwi ehangach a chymunedau lleol i greu ffermydd gwynt arnofio cynaliadwy, carbon isel a fydd yn sicrhau’r buddion mwyaf posibl i Gymru.
